Chapter Eleven

[Pahibalo: Ang pangalan sa lugar ug sa mga tawo nga nahisgotan diri nga storya kay wala gayud tuyu-a apan usa lamang ka minugna sa nagsuwat.]


Ako gayud ang gipangtutok sa mga tawo. Hapit na molugwa ang akong kapungot... Karon lang jud ko nga na-insulto ug pag-ayo.

"Maypag mo-uli na lang ko! Ahax! Badtripa wuist..."

Nagdala gihapon ko sa plato. Gusto man unta nako ibutang na lang ang plato ug mo-uli nah. Apan maikog man sad jud ko sa nag-birthday, ni Paula ug ni Jenny. So agig respetar, ako na lang jud gikaon ang akong dalang pagkaon. Sa luyo nalang gud ko sa kusina nagkaon. Ngit-ngit didto, unya naa ko sa dapit sa lababo sa gawas. Kinawboy ang style... nagbarog! Maayo didto kay walay maka-insulto nimo unya wala sad makasaway sa imong pagkaon.

PEro samtang nagkaon ko, naglupad-lupad pa gihapon sa akong huna-huna ang nga panghitabo sa sulod sa Sala. Everytime nga mahuna-hunaan ko to, magsurok daun akong dugo.. GrrRrrRR!!

"Pasalamat lang siya nga lami ang ilang handa! Kay kung wala pa, hagbay ra kong nag-wild! hahaha!"

Pasi-aw ko samtang pwerteng habhab sa plato.

" Grasya!! Nabusog ko dah! Ahax, wala ko kadalag pantulak! Mauwaw man sad ko ug mosulod pa kog balik sa balay.. Unsaon nalang ni!"

Pero, pagkaswerteha jud nako nga naa man diay gripo sa kilid sa lababo. Apan sa dihang ako na untang ablihan ang gripo para matagbaw ang akong kauhaw, sa dihang adunay nagtawag nga tingog..

"Ayaw dinha pag-inom! Ari lang diri sa sulod oh.. naay softdrinks diri og juice!"

Tingog kadto sa babaye... Pero wala lang to nako pansina, dili man sad siguro ako ang iyang gitawag. So, nipadayon gihapon ko sa pagtungab sa baba sa gripo apan..

"Hala! Sige! Imna na kung ganahan pa kang mabuhi pah! Dili man ni kasabot oh! Dili man intawn na mainom!"

"Ha?"

Mao ra jud tawn ning akong nasulti samtang gidali-dali nakog luwa ang tubig!

"Hala, nakainom jud kog gamay dah! Ahax!! Baho jud ug taya! Ahax!"

Padayon nako.

Samtang, nagsige ko ug pangluwa, nadunggan nako ang mga tunob sa tiil nga nagpadulong nako. Pero halos wala kaayo ko kaklaro sa tawo nga nagpadulong nako.. ngitngit man jud ang lugar.

"Ahm, excuse me, okay ra ka? Ahm, dara ang sprite oh! Maayo na para pampahilis..."

SOft, gentle female voice akong nadunggan... Sounds familiar! Murag nakadungog na ko atong tingoga pero asa man sad, kanus-a?

"Ahm, murag okay pa man ko.. Ahm, salamat sa softdrinks ha? Ahaka, nakainom jud kog gamay dah.."

Pasalamat ko kaniya samtang ako jung giklaro kung kinsa siya..

"Ha? Okay ra to uy. Ikaw man gud! Giingnang adto na lang sa sulod inom, gahi jud kag ulo."

"Hehehe.. sensya na kaayo. Abi man jud nakog dili ako imong giingnan ato.. ahm by the way.. ako diay si.."

Kani unta ang pinaka-nindot nako nga pagpa-ila-ila! Ako na gyud gi-raise akong hands para handshake sa dihang..

"Tin!! Tin!! Tawag naka ni auntie!!"

"Ai, uu! Cge Kat, moanha nako! Ahm, sori ha kay gitawag na ko sa akong auntie.. Enjoy the party! See 'ya around!"

Dali-daling dalikyat sa babaye...

"Ahm, wait! Ako diay si Car... Ahax! Hapit na unta nako maila-ila dah!! Wala pa jud ko kakita sa nawong!! Sus!! Malas!"

Sulti ko..

Ako gisundan ang babaye nga nisulod sa may pultahan sa kusina. Apan pagsulod nako, maoy akong nakit-an ang mga pagkaon sa lamesa. Bag-o pa kining giluto. Unya naa sad gyud diay daghang mga softdrinks didto ug tetrapack nga juice! Sakto jud ang gisulti sa babaye.. Daghan jud ug pangtulak didto.

Pero wala nako nabantayi nga aduna diay babaye nga tambukon ang nagluto sa kusina. Iya akong gipangutana ug una,

"Hala, ngano naa man ka dinhi? Mokaon pa ka dong? Kuha lang diha, mga bag-o nang ha-on.. Nagluto pa man jud ko bisan ug nagkuha na silang ate ug cater... Ako baya nang specialty.. Ahm, ganahan nimo suwayan? Hala sige, pagkuha dihag platito ug tinidor. Kinahanglan imo nang tilawan akong giluto ha? Walay balibaray!! okay!??"

Wala akoy masulti Sa kadaghan niyang gisulti, wala na ko ka-butt-in... Busog na ko ug mahadlok man sad ko kung akong i-decline iyang offer. Malditahon man gud ug nawong ning kusineraha...apan ako gihapon siyang gitubag,

"Ahm, te, kuwaan man gud... Ahhmm.. bag-o lang ko nagkaon unya busog na man sad ko... Mao nang.."

"Mao nang, unsa man? Dili ka motilaw? Kana ang dili mahimo.. Puslan man nga naa naka dinhi, dapat gyud nimo matilawan akong giluto... Basin ug magmahay ka... Talagsa-on baya ni!! Ug usa, paborito pa gyud na ni Tin-tin! Unsa man? motilaw ka o mabun-og?"

Nahadlok gyud ko sa iyang gipangsulti.. Seryoso naman gyud siya ug nawong.. Mura jud siyag kakan-onon ug tawo!! dako man sad jud ug tingog!

"Ha?! Ahm... Dili uy! MO-kwa-an nako.. Mo-motilaw na lage ko te.. A-ayaw lang ko singhagi.."

Mahadlukon kong tubag kaniya nga murag itoy nga gikasab-an.

"Aw, kana bah! Oh, sige, pagkuha ug platito ug tinidor diha sa cabinet nga gamay.. Unya panghugas sa kamot sa dili pa mokaon ha? Oke?"

"Ahaka bayhana... Kung dili palang lage ko morespetar sa mga babaye ug sa mas maguwang pa nako, nah! hagbay na unta to nakong gilapwa-an! Haha!"

Bagulbol ko sa akong kaugalingon...

Murag lami jud tan-awon ang iyang giluto.. Ahm, mura siyag pasta nga anaay mga prutas.. Pero wala pa ni nako tilawi.. ako lang kini gitutukan...

"Hoy! mahurot jud na kung imo nang tutukan.. dara ang pantulak oh! Hehehe.. enjoy ha kay moadto pa ko sa sala! Kinahanglan inig balik nako, mahurot nana?! Okay?"

Igo lang ko niyango niya.. Nigawas na siya sa kusina...

Ahax! mao 'tong, akong gituyok ang tinidor sa pasta nga naa sa akong platito, ug unya gihinay-hinay ug butang sa akong baba...

"Hmmm... hmmm.. Wow!!!! KALAMI!!!"

Grabeh!! Mao lang jud ni ang akong nasulti! Tinuod gyud diay ang gisulti sa tambok... Sa pagtilaw nako sa pasta nga dili jud ma-describe ang kalami, murag nahilis ang tanang gikaon nako ganiha.. Pwerteng hab-hab nako! Believe it or not, nahurot gyud nako ang pasta for less than 2 minutes.. gusto pa unta kong mokuha para sa ikaduhang round, pabor nako kay ako ra man usa sa kusina...

"Ah, ngano bitaw gipatilaw ko... Ako naning tinuod-on! hehehe,,"

Yaw-yaw ko sa akong kaugalingon samtang naghukad ko sa ikaduhang higayon... hapit gyud mag-awas-awas ang mga pasta sa akong platito!

"HahahA!! Ahaka aning pagkaona wuist! Magka-ulit-ulit man sad tah ani! Hahaha!"

Pasi-aw ko sa akong kaugalingon...

Mura jud kog bata nga nalingaw ug kaon sa CERELAC o GERBER ba hinuon... Nalingaw jud ko atong higayuna... Nalimtan jud nako ang mga panghitabo sa sala ganiha... I almost forgot Jenny gani...

Grabeh.. Nahurot na sad nako ang pasta sa platito...

"Hala! Nahurot na sad... Tsk... Ahm, sige last round na lang ni nako wuist! Promise, dili nako mokuha pa..."

Akong giadto ang pultahan sa kusina nga nagkonekta sa sala man siguro to.. Akong gililli ang pultahan ug murag busy pa gihapon ang mga tawo unya wala pa sad nako nakit-an kadtong tambok nga babaye nga magpadulong dinhi...

"Ah,, kini, mokuha pa ko sa last nga higayon.. heheheh"

Nalingaw jud ko sa pagmaneho sa paghukad sa ikatulong higayon... sa dihang...

"Lami jud ang Pasta Craze ni Auntie Betty noh?"

"Ai lecheflan!!!!"

Naigking ko... Ni hapit nako mabuhi-an ang platito nga akong gikuptan...

"Ah.. ahm.. uu! La-lami gyud.. ahmm..."

Mauwawon kung tubag. Nahunong ako sa akong pagsukad... Ni wala gyud ko ka-atubang niya.. Mauwaw nako.. Ahax! Niduko lang ko sa akong ulo ug nipiyong...

"Hehehehe.. ayawg kakurat gyud! Awa resulta nana sa tubig nga imong giinom sa gripo ganiha... Hahaha! Ahm, by the way, okay ra kung gusto pa nimo, pagkuha lang diha... Dili man sad na gyud na nako mahurot tanan... And, I'm Christine Grace diay... And you are??"

"Ah... okay... so ikaw diay tong giingon sa tambok ai este ni ate Betty nga Tin-tin ang name unya favorite sad diay na nimo ang pasta craze? ahmm.. yah.."

"Hehehe.. yah! AKo gyud... Lami noh?! Hehehe.. Ahm, mosaka sa ko kadyot ha? And, again, if ganahan pa ka moka-on, pagkuha lang okay?!! Sige, mobalik pa ko diha!"

"Ahm.. ehehe.. ahm.. okay..."

Mauwawon pa gihapon kong nitubag kaniya.. Wala gyud ko naisbog sa akong gibarugan...Mura man gyud ug nanggahi ko pagsulti niya.. Wala man gyud siya nananghid nga mosulod! Ug murag nigawas na sad siya sa kusina.. Ahax..

"Hahaaaay... Salamat, wala na siya..! Mao diay to si Tin-tin... unya Christine Grace ang name.."

Nahilom ko ug kadyot... unya kalit lang naa koy nahinumduman..

"Hala!! SIya man sad to ang nibadlong nako ganiha sa gripo... Nya familiar sad iyang voice!! And.. Christine Grace sad iyang name?? Ahm.. Dili kaha to siya ang nakaila nako sa jip ganihang buntag? Dili kaha to siya si.. si... Christine Grace En-Enriquez??!!"