Chapter Two

[Pahibalo: Ang pangalan sa lugar ug sa mga tawo nga nahisgotan diri nga storya kay wala gayud tuyu-a apan usa lamang ka minugna sa nagsuwat.]


Nagpadung na liko ang jip sa estancia deretcho na sa Coliseum. Nagsige nako ug lingi sa tanang eskinang maagi-an pero wala gihapon nako makit-an si Jen. Mao nang nipiyong nalang ko sa akong mga mata ug natulog.

"Oh, 'Yala Jones Colon!! 'Yala Jones ColoN!! Naa pay PITO diri oh!"

Siyagit na sad sa kundoktor! Nakamata ko ug naa na diay ko dapit STI Mandaue. Namasol pa man diay ug pasahero ang konduktor diri dapita. Daghan maghuwat diri ilabi na kadtong sa lapu-lapu gikan kay ari man jud sila magpa-drop. Busy kaayo ang mga tawo sa gukod-gukod sa jip. Sagul-sagol ang mga dagway.. naay mga estudyante, maestra, trabahante ug panguli-ay lang jud adto sa siyudad.

Apan naa koy nabantayan.. Murag familiar kaayo ang babae nga naa sa dapit sa namaligya ug sigarilyo ug candies. Nagbarog kini nga kuyog ang usa ka lalake nga same lang niya ug height. Insikon ug dating nya murag nursing pud ang kurso kay all white man ang gisuot. Nipara sila sa jip nga akong gisakyan. Samtang nagkaduol, nagkakulba ang akong dughan. Ambot ug ngano! Siguro mahadlok lang ko nga ma-confirm nako ang akong gihuna-huna! Uu! Untag dili to mao si Jen...

Nisakay na sila.. unang nisaka ang babaye. Dayon ang lalake. Apan sakit lang kaayo palangdumon nga si Jen jud ang babaye. Naa sila naglingkod atbang nako! Murag gisungog na sad ko sa panahon!! GrrrRrrR!!

Nikupot ang akong tuong kamot sa bar para adto nako isalay akong ulo sa akong braso para makatulog nasad kadyot. Apan bisan ug maglikay nako ug tan-aw nila, molapus gihapon akong panan-aw sa duha. Holding hands while talking. Nya mongisi si Jen sa isulti sa tupad niya unya dayun sandig sa abaga sa guy.

Mura jud ug mahilis na sila sa akong pagpaniplat. Ambot kay murag nasuya ko nila. Abi nako ug single pa ang angel nako. Hahay! Nagsige na lang ko ug sigh... Basta kadtong adlawa ang pinakakapoy ug pinakaduka! Napakyas ko!!!