Chapter Four

[Pahibalo: Ang pangalan sa lugar ug sa mga tawo nga nahisgotan diri nga storya kay wala gayud tuyu-a apan usa lamang ka minugna sa nagsuwat.]


Ako siya gipauna ug sulod sa jip ug unta ako mosunod, pero samtang pagtikang nako sa unang ang-ang sa jip, nikalit lang ug overtake ang tambok nga babaye. Napungot nako pero ako lang gipugngan.

"Dali Jhe! Tupad ta!!!"

Pulong kini ni Christine. Nanglumo ko! Ako unta ang motupad pero ang tambok na sad ang sagabal. "Jhe"? Unsa kaha ang real name sa kurimaw noh? Sonje? Ah! Whatever! Basta gitung-an jud mi sa tambok. Magsige ra ba ug dutdot! wrong timing jud! Hahay,,,

Niagi nami sa CIC-Mandaue, tapos liko na padung AS Fortuna. Wala gihapon ninaug ang tambok! Puno-puno na sad ang jip. Naay nursing nga taga-Gullas, San Carlos ug highschool students nga taga-Talamban Nat'L HS ug taga SIPS. Naa sad mga pasahero nga mga trabahante. Basta sagul-sagul! Pero na-irita jud ko sa tambok! Tabi-an na, lihukan pa jud! Mao nang maglisud na lang ko pasiplat ni Christine. Wala juy ayo! Mao nang natulog na lang ko, tutal mas taas-taas pa man sad ang daganunon sa jip. Di pa sad ko ma-late...

"Para lang 'nong!! Tin, una na lang ko ha? God bless!"

Haay! At last, ni-luag na akong gilingkuran! Nakamata ko sa pagnaug sa tambok nga ai na lang! Whooh! YEs! Wala pa diay kanaug si Christine. Naa pa mi sa Gate 1 sa USC-TC. So naa pay gamayng oras para maka-istorya ko niya...

"Ahm.. Unsaon ka ha nako pagsugod ang conversation noh?"

Hinabi ko sa akong kaugalingon...

"Ahm.. excuse Miss, wat gani imong kors? Naa kay kaila nga Jerwina?"

Unang pakigtabi ko ni Christine. Nag-expect nalang ko daan nga i-deadma ko.. Pero..

"Ha? Ahm.. wala baya. Why diay? Unsa man diay iyang course?"

WaphaakkK!!! I never thought nga moreply siya sa akong question! Patay, natameme na sad ko!

"Ahmm, Chemical Engineering iyang course.. I thought.. ahmm, kaila mo.. Ahm, by the way, unsa diay imong course??"

Dayon tubag ko nga nagku-ku with matching smile sa bao. Mura jud kog gibayaw! I just can't believe it! She's already talking to me!

"Ahh, Chem Eng diay siya..."

Naghuwat ko sa sumpay sa iyang gisulti.. sa dihang..

"Ai, para lang nya nong!"

Patay! Monaug na siya! Wala pa gani ko kahibaw sa iyang course! Ahax!

"Ai, ari ra man diay ka noh? Ah, cge, ayo2x na lang,, bye!"

Sulti ko kaniya..

"Ai, uu... Una lang ko ha?! God Bless pud!"

Ngex! ninaug na siya padulong.. Mana! Tabla rag nisulti ko ug TAE! End of the Story...pero nadunggan nako siya nga misyagit,

"Ahm excuse me!! IE diay akong course...and I'm Christine! Christine Grace Enriquez! hehehe..."

I was shocked!! Wala jud diay niya kalimti akong question niya... Ningisi ko sa kalipay!

Layo na ang jip pero nagsunod gihapon akong mata kaniya gawas sa gate nga nagka-anam ug kagamay. Nalipay kaayo ko!

"I know! I know... Christine is your name...", hinabi ko sa akong kaugalingon nga nagngisi...