Chapter Three

[Pahibalo: Ang pangalan sa lugar ug sa mga tawo nga nahisgotan diri nga storya kay wala gayud tuyu-a apan usa lamang ka minugna sa nagsuwat.]


Friday. In-school training namo. Well, nindot amo schedule sa among pag-adto sa skul kay kami ra man ang klas nga na-belong sa Friday Group! Kami ra ang third year didto.

Nisayo ko ug mata kay layo-layo baya ang biyahe padulong sa among skul sa Barrio San Jose kumpara sa among gi-OJT-han sa Lahug. Unya para makasakay ko ug dali, adto ko sa merkado maghuwat ug jip para Talamban. Nihit man jud ang mangagi nga Talamban sa eskina Vikings mao nang didto na lang ko sa pikas agi. Ug usa pa, basin makit-an na sad to nako si Jen kuyog sa iyang uyab. Basin ug sungguhon na sad akong dughan.

Nidagan na ang tricycle padung merkado. Back ride ko. Ako jud sugaton ang hangin para dali ra mauga ang gel sa akong buhok to have its natural hair style. Ug usa sad, nindot man sad ang pamati pwera lang sa baho nga gibuga sa tambotso sa ubang mga abusadong driver!

Hilig sad nako motan-aw sa side sa mirror sa motor. Para sad ba mkahibaw ta kung unsay dagway nato samtang nagsakay... Pero imbis na akong nawong akong nakita, usa man nuon ka maanyag nga dalaga nga nag back ride pud sa nagsunod nga tricycle. Nahilom na sad ko... nya nagsige na lang ug pasiplat sa side mirror. Mauwaw man sad ko ug lingi sa likod nako.. abi nalang naibog jud ko niya!

Abi nako ug moliko ang tricycle nga gisakyan sa babaye sa Opao, so la na sad na ko siya tan-awa. Pero katong go signal na, niliko man hinuon ni sa tuo... meaning para merkado sad to siya. Kalit lang ko ug ngisi.

"Unta para talamban sad to siya! Please Lord! Please!"

Mura ko ug nabuang kadyot! Ambot ug ngano. Nagcivilian ang cute nga dalaga. Nagdala ug shoulder bag ug baga nga libro. Wala pa koy idea kung asa jud to siya nagSkul! Dili man sad pwede sa among skul kay for boys only baya to.

Wala nah! Confirm na jud nako nga sa Merkado jud to siya naug. Unless ug monaug to ug una nako. Nihunong na ang tricycle nga ako gisakyan ug nanggawas na ang mga pasahero ug nag-iyahay na ug pamlete. Ako sad nikuot ug 6 pesos sa akong bulsa para plete. Nagsige na ko ug panglingi. Pero wala na nako nakita ang dalaga! Mao tong nidagan ko padulong sa batchoyan. Didto ko maghuwat para talamban,,, namasin ug naa sad ba didto ang dalaga.

Positive!!! Naa na siya naghuwat sa unahan.. atbang sa Suson Lumber! Nihinay ko ug lakaw padulong sa iyang gibarugan. Ako siyang gituparan ug barog.

"Christine! Naa lage ka diri naghuwat? Naa kay class sa TC?"

Sabat sa Tambok nga babaye. Nag-eye glass kini ug nagkupot ug daghang libro. Tabi-an jud kaayo! Ug kadtong dalaga iyang ka-istorya. Yah! Christine iyang name! Ug TC? meaning Talamban Campus?

"YEs!! Magkuyog jud mi sa Jeep ai!"

Ningisi ko sa hilum.

"Oh, 'Lamban Pit-os! 'Lamban Pit-os!!"

Kini, walay sulod. Siguro magkatupad siguro mi ani or magka-atbang!! Nindot ning adlawa dah!