Chapter Five

[Pahibalo: Ang pangalan sa lugar ug sa mga tawo nga nahisgotan diri nga storya kay wala gayud tuyu-a apan usa lamang ka minugna sa nagsuwat.]


Naabot nako sa main building sa among skul! Bisan gisingot sa pagsaka sa walay katapusang hagdanan, nagpabilin gihapon ang smile sa akong nawong. Presko pa gihapon sa akong huna-huna ang mga panghitabo. Siguro kani ang pinaka-nindot nga adlaw! Wala jud nako damha nga mabuhat to nako...Pero dapat dili ko magpahalata sa akong mga klasmeyts, mga bugal-bugalon baya to!

Nagsugod ang among klase unya nag break tapos nag lunch.. same routine! Laay usahay... Lingaw gamay... Test daghan... Score gamay... Ingon-ana lang ang flow basta Friday. Pero ako? Atat na atat nga mo-uli na! Still hoping nga magkasakay mi ni Christine!

"Oh Sh*t! Wala pa man diay nako nasulti niya ang akong name! waaahh!!!"

Pero siguro magkasakay mi karong inig-uli nako.

"Sir! Ni ring na! Flag Retreat nah!"

Pulong ni Jed ang among chairman. Yes! After sa retreat, makauli na ko! Ahax! excited na ko dah! wheew!

Ug tuod man, nanggawas nami gikan sa laboratory ug diretcho padung sa field. Daghan nang estudyante ang naglinya.. Naa na say mga maestro. Ug nagsugod na jud ang Lupang Hinirang.

"Bayang magiliw, perlas ng Silanganan..."

Nagtutok lang ko sa flag nga naghinay-hinay ug paubos. Naa gihapon sa akong huna-huna ang last nga gipanampit ni Christine: "Ahm excuse me!! IE diay akong course...and I'm Christine! Christine Grace Enriquez! hehehe...".

"...ang mamatay nang dahil sa yo!"

Wow! Dali-a ra diay sa kanta wuist! Nahuman na ang retreat ug nanggimok na ang mga katawhan.. Naglinya na ang uban para mo-logout dayon uli. Ug ako? hehehe,,, wala sad ko nagpa-alkanse! Ako daun ang unang nilinya para mosuwat sa time ug pirma unya sibat dauN!

"Mga kurimaw, una lang ko kay naa koy importanteng adtuon! Ayo-ayo moh!"

Gangisi kong pagsulti samtang nagpadung ug dulhog paubos.

Naglakaw ko gikan sa among skul padung sa eskina...

"WheeW! Gisingot nako dah! Nanimahho nakong adlaw ani!"

Daghan na ang nag-atang sa kilid sa dalan atbang sa bakeshop. Nitapok sad ko sa mga estudyante. Naa na say nangagi nga mga jeep. 13-C, 62-B, 21N, 13i, 24G, 25... ingon aning mga ruta sa jip ang kasagarang mangagi. Mao bitawng dili jud ko mahadlok ug padulong uli kay daghan man ko pwedeng masakyan. Pero karon, sa merkado lang ko monaug kay moadto pa ko sa Adoration Chapel sa simbahan sa Mandaue.

"Ibabao dong!"

Imbita sa drayber sa 13i nga jip. Byahe ani kay gikan Pit-os, tapos hunong sa Ibabao, Mandaue. Gamay pa man sad ang nakasakay. Mga elementary students from Talamaban Elem. School ug sa SIPS. Nisakay ko ug naglingkod tunga sa lingkuranan. Ako ra ang naglingkod sa right side nga lingkuranan, tapos atbang nako kay ang mga bata nga nagsabak sa ilang dagkong mga bag. As usual, nagsige ug tabi ang mga bata. Nalingaw na lang sad ko ug tan-aw nila.

As usual, dugay nakauros ang jip left turn padulong sa Banilad, Mandaue... nya puno-puno na sad ang jip sa mga pasahero.. pero, wala jud mi nagkasakay ni Christine... wala jud... wala jud...

Nihunong nami sa Chowking sa AS Fortuna.. sa Fortune Square. Nanaug na ang mga pasahero. Ako na lang intawn ang nagpabilin... Sa jollibee pa ko monaug. Mingaw. Laay. Kapoy...

Ambot ug nganong dili man jud nako malimtan si Christine... sige na lang siya ang sulod sa akong huna-huna... Though gamay ra kaayo ang possibility nga magkakita mi, but im still hoping that sumday... magkakami. yah... unta magkakami...

"Dong, asa diay ka naug? Ibabao ka?"

Kalit sabat sa drayber samtang nagmuni-muni ko.

"Ah, jollibee ko naug nong!!! Ai, naa naman diay ko diri! Ari na lng ko!"

Wala nah! Wala na jud ko kamatikud nga naa na ko sa Merkado. Ahh bastA!! samok pa kaayo akong huna-huna karon... Maayo pang, i-kundisyon sa ni nako akong huna-huna...

Daghang tawo sa Merkado wuisT!! Panguli-ay man jud sa mga estudyante ug sa mga nanarbaho. Nya daghan sad ang nangumpra gikan sa Merkado.

Nilabay nako sa St. Joseph Academy. Daghan sad mga sosyal nga mga chix! hehehe.. Pero ang pinaka choi kay ang Mandaue City Garden sa may fountain... Ubay-ubay sad ang nagdate didto wuist! naay ubang nanglingkod sa bermuda.. ang uban kay sa bato nga lingkuranan. Pero, dili lang kana ang lugar nga pang date... Atbang sa National Shrine of St. Joseph... Puno na gud ang tanang lingkuranan nga semento.. Partner-partner ang style. Nya mga estudyante baya kay nag-uniform pa man... Pero, so far, wala pa koy nakit-an nga akong skulmate or klasmate ang niapil sa meeting-meeting didto.

Nahuman na ug libot-libot akong mata sa mga lovers didto sa garden... Nisulod nako sa simbahan. Abli ang ilang adoration chapel.

Niluhod ko sa duha nako ka tuhod. Tapos nilingkod nako sa pinakalast nga pew. Ako ra usa ang ni-occupy sa lingkuranan. Yes... im ready to talk to HIM...