Chapter One

[Pahibalo: Ang pangalan sa lugar ug sa mga tawo nga nahisgotan diri nga storya kay wala gayud tuyu-a apan usa lamang ka minugna sa nagsuwat.]


7:05 am na! Naa na ko sa eskina sa Vikings para maghulat ug jip pero wala pa gihapon koy namatyagan nga pareha sa kaanyag sa babaye nga pirmi nako kadungan ug sakay padulong sa Mabolo.

Pila na ka jip ang nilabay pero wala pa gihapon siya. 7:23 am na sa orasan sa akong cell. 2 minutes nalng, mosakay na jud ko...

"Oh, 'Yala Jones Colon! Mabolo Dela Montaña!!"

Ahax! Nadungog na nako ang singgit sa konduktor! Pero wala pa gihapon siya! Bahala nah... basin ug ma-late na sad ko..

"Para nong!"

Hahay! Makatulog na sad ko aning dili nako siya makit-an sulod sa jip nga akong gisakyan. Unya ganahan mo anah?

Nagpangita jud ko ug sugod niya niadtong uwan kaayo nga Lunes. Daghan na kaayo ang naghulat sa eskina Vikings para mosakay ug jeep para Jones, Manalili, Banilad ug Talamban. Nagtipun-ok ang kadaghanang tawo didto daw naghulat nga labayan ug kwarta. Ug halos nagpayong ang tanan. Pero tungod sa baha nga akong gipangagi-an una ko maabot sa huwatanan.. mura gihapon ko ug basang piso!

Ug mura ko ug gisungog sa panahon kay sa kadaghan nga jip nga niagi, puros na jud puno ang 21B, 21D ug 20 nga ruta sa jip! Gusto ko man mokapyot pero dili na sad pwede kay daghan na ang nagpabitay sa lubot sa mga jip. Nagkagot na ang kong mga ngipon nga daw kasiyagiton sa kapungot!

"Lecheflan! Admission slip na sad ko ani!?!!"

7:38 na! daghan pa gihapon ang tawo nga naghulat! Untag dili to puros 21B ang sakyan kay nah, naa baya jud ko sa last nag huwat...Nya kung moadto ko sa unahan.. Lagmit ug makaligo ko sa mga pisik sa agi sa ligid sa mga sakyanan nga moagi.

Unya naay 2 ka 21B nga jip ang nihunong. Hala ka! Ang mga tawo kay nanggimok jud susama sa mga ulod sa samad! Mao nang nidagan ko sa unang jip ug nakiglumba jud sa mga pasahero! bahalag basa! Pero, unsaon man nga daghan na ug nakasakay didto and there was no more space for me! mao tong nidagan na sad ko sa ikaduhang jip. Didto kay murag makasakay na jud ko!

"Yes! Dili pa ko ma-late!"

Nakalingkod ko sa pinakunang tuong bahin sa lingkuranan! Nabakante to kay siguro dili sila ganahan mabasa sa salibo sa ulan. Pero ako? Bahalag mabasa oy basta maabot lang sa Lahug!

"Sikit-sikiti na beh!!! Dose-dose na! Oh kanang tuo beh, kulangan nag isa! Tarungi lang ug lingkod para makalarga na tah!"

Sakit kaau nis dunggan nako basta ako ning madunggan! Kahibawng naghuot na, ipasikit pa jud! Wala sila nalipong?!!

Padung na nidagan ang jip. At last! Nipiyong ko sa akong mata para makapahulay kadyot bisan pa unsa ka uncomfortable ang akong nasinatian. Basa na jud ko! Ang basa-basa nga hangin maoy pirmi nako mabantayang motilap sa akong nawong. Bahala nah!

"Oh sikiti na ang tuo beh!..."

Naigting akong dunggan sa kakusog sa paghapak sa kundoktor sa kilid sa jip!!

"Dali day.. lingkuri ning tuo ai! Kulang pa nag usa! Oh sikiti diri gamay dong beh!!"

Ha??! ako ang gipasikit sa lubot sa jip! kulang nalang gani maghinambid ko kay sikit na kaayo ang duha nako ka tiiL! maayo lang gani kay wala jud napiit si kwan!

Sa paglili nako sa gawas, dayon nisiga akong mga mata sa akong nakita! Nahanaw dayon ang kaduka sa akong mga mata daw yawa nga gipalayas sa angheL! Uu! Anghel jud siya!

Ang maputi niyang pamanit ug taas nga basa nga buhok giubanan pa sa maanyag niyang mga mata ug ka pula-pula sa iyang mga aping! Ang iyang manipis nga ngabiL daw mura ka-humok sa marshmallows! Shocks! Kagwapa wuist! Tabang nars!

Nablangko akong huna-huna! Nga murag wala ko kahibalo unsa akong buhaton!

"Excuse me gamay!"

Wala nah! nitupad na siya nako pero akong mata nagsunod gihapon sa iyang talagsaong panagway... Nabasa sad siya gamay.

Nursing student siya sa usa sa mga university sa Sugbu. Jenny Marie Martinez -3BSN. Mao na akong nabasa sa iyang nmae plate. Nice name!

Taga-diri ra tingale to siya kay naghuwat man siya sa may carenderia subay sa Vikings. Duol2 ra mig huwatanan!

Sugod ato pirmi nako maghuwat niya kada-adlaw ug tuod man, wala ko napakyas kay naa juy usa ka semana nga pirmi jud mi magkasakay. Usahay magkatupad, mgkaatbang o kundili man kay adto siya sa tumoy. Pero okay ra,, for as long magkauban mi sa jip, okay na kaayo akong pamati.