Chapter Seven

[Pahibalo: Ang pangalan sa lugar ug sa mga tawo nga nahisgotan diri nga storya kay wala gayud tuyu-a apan usa lamang ka minugna sa nagsuwat.]


Dug! Dug! Dug! Dug! Dug! Dug!

Madunggan jud nako ang akong heartbeat! Nyax! Nagsugod nakog pamugnaw...

"Ahm.. Carlo, this is my friend..."

Nagtalikod pa kini samtang gitawag ni Paula.

"Ahm, Jen! Psst! Naa na akong klasmeyt pag haiskul oh!"

Gibantayan jud nako nga molingi nako ang gurL...

"Oh c'mon! siya jud!"

Naconfirm nako sa akong kaugalingon! Siya jud!

"Ahm.. Ah-ahm.. Jen?"

Mao ra ni ako nasulti sa atubangan niya.

"Huh? Nagkaila na diay mo sa akong friend Carlo?!"

Nahibulong si Paula sa akong mga gipamulong.

"Ha?! Ahm.. ah.. wala! Dili mi kaila!"

Dali ko dayong pagdefend.

"Ahm, Jen, kaila namo sa akong klasmeyt sauna?"

Pangutana ni Paula ni Jen.

"Ha? ahm.. wala man ko kaila niya pero familiar iyang nawong."

Nagbarog nalang ko sa atubangan ni Jen.. wala na koy masulti niya. Ato lang niaging adlaw, nakita nako siya kauban sa iyang hingugma sa jip unya karon, naa na siya sa akong atubangan...akong kaistorya! Tinuod ba kining nahiaguman ko??? O gadamgo lang ko??!

"Ahm.. Hoy! CarLo! gi-istorya ka ni Jen oh! Tubaga kuno na! Cge ra man ka katulala diha! Hoy!!"

"Agay! Agay! Awa gikusi na sad ko nimo Pau! Sakit baya nah! Wala man ko natulala, natameme lang ko kay nag-atubang ko sa usa ka maanyag nga dalaga!"

Nahilom ang kalibutan... Ambot ngano! Unsa man diay akong nasulti? Is there something wrong? Nabantayan nako si Paula nga natingala. Nilingin iyang mata... Unya si Jen, niduko unya murag niblush! Unya nakita nako ang gisul-ob niyang smile... Ni-smile sad ko niya... Sa dihang,,,

"WWhhhaaappffaaakkkhhh!!!"

"Agay Pau! Aguy! Imo na sad kong gidapug! Unsa man ang imong problema ha?!! Kausa na lang ka hap!"

seryoso na jud ko...Gisapot na ko niya!

"Ha? Unsa ang problema?! Ikaw!!! Unsa imong giingon nga natameme kay nag-atubang ko sa usa ka maanyag nga dalaga?! Ha? Di ba si Jen imong giingnan??!"

"Ha? ahmm.. uu! Si..si-si Je-jen gyud.. Kinsa pa man diay?"

"Hmppff!! I hate you!! I hate you!! Y diay.. dili diay ko maanyag? huh?!"

"Ahm.. tsk! sige na lang wuist! Maanyag na lage ka! Ahax sad nimo wuist!"

"Well, sige.. so usba imong giingon nga natameme ka..!! Usba daun!"

"Awkie.. Ahm.. Wala man ko natulala, natameme lang ko kay nag-atubang ko sa DUHA ka mga maanyag nga dalaga!"

"Ahhhmm... Hehehe.. Good! Very good!"

Hahay... bata-on pa gyud gihapon si Paula! Mas kahibaw na siya manakit karon dah! Pero samtang nagyawyaw na sad si Paula, nasiplatan nako si Jen nga nagsige ug ngisi.. Nalingaw siguro sa among panagbangi ni Paula..

Haaaayyy! Nisamaot man siyag ka-gwapa kung mopahiyum siya wuist! So ako jud daun gibyaan si Paula unya murag gitukmod ko sa hangin padulong kang Jen.. Dili unta ko pero dili nako mapugngan ang akong tiil sa pagtikang.

Usa, duha, tulo, upat, lima ka tikang na ang akong nabuhat. Ug ako nabantayan si Jen, nga nitan-aw na sa akong mga mata... Yes! Our eyes met! I dunno what to say! One step more!

Yah! Im already in front of her... Bahala nah! Ang akong dughan na ang bahala sa akong masulti!

"Ahhmm.. Hi.. ahmm.. im Carlo... Carlo Joey Manahat.. and you are??"

Pasiunang pakig-ila-ila ko niya dungan pag isa sa akong tuong kamot para unta makig-handshake. I was then looking at her eyes and she also to mine...

"Ahm.. Im Jenny..."

Cute nga reply ni Jen pero ako daun siya gisapawan sa pagsulti...

"Jenny Marie Martinez right? Taking up a nursing course..."

"Ha? Hehehe.. funny! How did you know?? U even know wat my course is! HEhehe.."

Ang mga inosenteng pahiyum niya maoy nakapalumos sa akong kasing-kasing sa balod sa gugma! Mura nakog gibayaw..

"Ahmm.. Hehehehe.. sekreto para bibo.."

Ako sad siya gisukli-an ug pahiyom! Mura ug kami ra jung duha ang ni-exist atong lugara! Wala na jud nako madunggan ang mga gipangyawyaw ni Paula. Katong mga higayuna maoy langit para nako! Langit diri sa yuta!

Pero sama sa tanang nga nindot, naa sad juy mosamok!!!

"Ahemm!! Ahemm!!! Ahemm!!! Unsa naman na?! Mura kamo na lang diay ang tawo karon?! hmppff!! Moadto na lang kO!!!"

Ang pagpangluod ni Paula ang nagdala kanamo sa pagkatawa. Ug tuod man, nilakaw si Paula ug wala jud namo siya sundi sa paglakaw..

"Hoy! Kalain ninyo wuist! Mangadto na ta sa ilang Cathy!!! Naglain na akong buot ninyo dah!"

sukong sampit ni Paula...

"Ahm, Carlo, mokuyog ka namo sa ilahang Cathy?"

Pangutana ni Jen..

"Ha? Ahmm.. pwede man kaha? Ahm, okay ra ninyong duha if mokuyog ko?"

"Ahm, okay ra man... So mokuyog ka?"

"Aw, kana pa! Mokuyog jud ko..."

Ako dayon gihinay akong gisulti para dili niya madunggan..

"...kay naa gyud ka..."

"Ha? Unsa carlo?"

"Aw, wala wuist! Heheh.. So adto na ta?"

"Ah,, cge.. Hehehe.. Naglagot na jud si Paula oh!"

Ug nagdungan nami padulong gawas sa gate.. Ug si Paula... dili na ma-drawing ang nawong.